Charter Document - 03420357
| Charter Number: | 03420357 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1281 |
| Date type: | Internal, A.D. |
| Resource Link(s): |
|
Charter:
Cum olim fuisset materia questionis anno domini MCCLXXXI inter dominum Theobaldum Belhouse rectorem ecclesie de Rampton Belhouse et Ricardum Belhouse eiusdem ecclesie patronum ex una parte et Walterum Otington rectorem capelle de Ramsden Barnton et Nicholaum Barnton eiusdem capelle patronum ex altera parte pro decimis provenientibus de dominicis eiusdem Nicholai ad capellam suam spectantem predictus vero Nicholaus confirmavit quod ab antiquo tempore a quo non existit memoria predictam capellam ipse et sui predecessores cum predictis decimis liberam habuerunt et Ricardus Belhouse cum suo rectore dixerunt quod manerium in quo sita est capella predicta est infra limites sue parochie unde de iure communi decime ad suam ecclesiam pertinere deberent Super hiis pro bono pacis et concordie partes predicte convenerunt et ordinationi Ricardi tunc London episcopi submiserunt Predictus episcopus cum consensu partium constituit et ordinavit quod predictus Nicholaus Barnton et sui successores dictam capellam liberam ut prius tenuerunt cum decimis provenientibus de terris dominicis eiusdem Nicholai ita tamen quod de tenementis quondam Hugonis Baldwyn Roberti Younger et aliis tenementis customariis decime matrici ecclesie solvi deberent Cui ordinationi sigillum capituli unacum sigillo episcopi et sigillis dictarum partium apponi fecerunt