Charter Document - 03420355

Reverendo in Cristo patri domino Iohanni dei gratia Cantuar archiepiscopo totius Anglie primati Ricardus eiusdem miseratione divina ecclesie London minister humilis salutem in salutis auctore cum reverentia et obedientia tam debita quam devota A vestra sancta et sincera conscientia emanare non credimus ut cuiquam subditorum irrogetur iniuria cum statum vestrum divina providerit dispositio ad refugium oppressorum Verum sicut nuper intelleximus Henricum de Stokes rectorem ecclesie de Wetiresfeld nostre dioecesis super pluralitate beneficiorum in nostra iurisdictione per decanum de Arcubus ad quem in aliena iurisdictione sic citare non pertinet ex officio ad vestrum evocari fecistis examen de quo miramur non modicum precipue cum subditus suffraganei nisi in certis casibus metropolitano non subsit quorum nullus ad presens vobis ut estimamus occurrit quatenus ex forma citationis sibi facte conici poterit vel ex tenore articuli quem sub sigillo vestro vidimus contineri Quia igitur tam evidentem ecclesie cui astringimur et absque proprio sustinere periculo non valeamus sanctam paternitatem vestram totis exoramus visceribus quatenus ut deinceps desistatur a talibus iubere velitis Alioquin ad defensionem ecclesie nostre cui sumus in emissa coram vobis professione astricti non poterimus sicut non debemus deesse sed appellationi et provocationi per nos ex causa premissa interpositis quando citatio supra dicta nobis innotuit si quod absit oporteat curabimus licet inviti pro viribus inherere Super premissis vestre paternitati placeat nobis per latorem presentium vestrum beneplacitum remandare Conservet altissimus prosperitatem vestram per tempora longiora Datum apud Clacton nonas Februarii anno domini MCCLXXIII