Charter Document - 03420350

Robertus permissione divina [] R London O Lincoln R Norwyc W Elyens W Bathon et Wellen I Landaven episcopi ac W Dublin electus dilectis filiis et viris nobilibus et discretis dominis R marescallo H Hereford comitibus ac baronibus de vestra nobili comitiva salutem [] Intimato domino regi hac die lune per nos vestro responso litteratorie destinato satis eum iudicio nostro placabilem vidimus et benignum et in fine consencientem ut ita vobiscum de negotio inchoato tractemus quod idem negotium citra instantem diem dominicum vel ipso die dominico decidatur ultra quem diem nisi negotium ipsum finem tunc habeat quilibet faciat suum melius et suo iudicio relinquatur Dominus vero rex coram nobis omnibus veraciter et constanter ut nobis videbatur promiserat quod nichil mali aut periculi interim vobis aut vestris de quocumque facto a die quo vobis prius scripsimus usque modo vel imposterum usque dictum diem dominicum auctoritate regia quocumque modo proviso seu etiam providendo eveniet etiam si vos ipsi in eiusdem regis presentia sisteritis Et quia dominus rex hac die mercurii se removere proponit ad negotium totaliter expediendum tempus ultra dictum diem dominicum non habemus multum expedit ut vos de premissis et quid de eis intenditis facere tanquam viri providi et discreti cum omni celeritate tractantes nobis tam cito vestrum intimetis propositum ut infra terminum prenotatum id possimus domino regi referre et de hiis expeditionem idoneam procurare In vestro quoque tractatu prudenter advertite quanta pericula ex presenti discordia si duraret toti regno a suis ministris circumdato vobisque et vestris per consequens evenirent Nos quoque archiepiscopus antedictus ad dictorum episcoporum et electi rogatum absente Dunelm episcopo qui prius vobis nobiscum scripserat sigillum nostrum privatum presentibus duximus apponendum Valete semper in Cristo cum gaudio et honore Dat apud Westmon xi kal Augusti anno []