Charter Document - 03420349
| Charter Number: | 03420349 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1297 |
| Date type: | Internal, A.D., Calendar |
| Resource Link(s): |
|
Charter:
Robertus [] totius Anglie primas Antonius Dunelm Oliverus Lincoln Ricardus London Willelmus Elyens Radulphus Norwyc et Willelmus Bathon et Wellen episcopi ac Willelmus Dublin electus dilectis filiis virisque nobilibus et discretis domino comiti marescallo ac vestre proinde comitive baronibus salutem gratiam et benedictionem Habito nuper inter cetera cum domino rege de vobis et contingentibus statum vestrum affectuoso tractatu placuit domino regi quod de habendo vobiscum colloquio de quo tetigimus quod inde nobis videretur expediens faceremus Zelum igitur et visceratim affectum ad vos et statum vestrum totiusque regni et incolarum eiusdem ac ecclesie Anglicane ad quorum profectum ut credimus laboratis securitatem et pacem ac commodum et honorem habentes et precipue ut exclusis periculis que ex discordia vestra contingerent singula inter dominum regem et vos ad bonam et efficacem concordiam dante altissimo cuius ad id speramus presidium pro nostris viribus deducamus concordi consideratione consulimus et rogamus quatinus modis omnibus sine mora apud Waltham vel Berkyng aut Stratford seu alium locum iuxta London quem reputatis idoneum redeuntes nobis diem et locum quibus ad vos possimus accedere et vobiscum super hiis cum effectu tractare per latorem presentium intimetis Valete semper in gaudio et honore Et nos dictus archiepiscopus ad predictorum episcoporum et electi rogatum sigillum nostrum presentibus duximus apponendum Datum apud Westmon xiiii kalendas Augusti anno domini MCC nonagesimo septimo