Charter Document - 03420322
| Charter Number: | 03420322 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1303 |
| Date type: | Assigned |
| Resource Link(s): |
|
Charter:
Ricardus dei gratia episcopus London collector decime unacum magistro Bartholmeo de Ferentium canonice London per tres annos in regno Anglie per dominum Bonefacium papam viii et subsidium Romane ecclesie imposite et Iohannes Bouichi de Seris eiusdem magistri Bartholomei commissarius religiosis viris [] priori et conventui sancte Katerine extra Linc sub collectoribus nostris salutem in domino Quia pro urgenti necessitate domini nostri regis Anglie illustris et expeditione guerre sue in Scotia quam sperat in brevi favente Domino feliciter consummare assignare intendimus eidem regi quingentas libras sterlingorum recipiendas a vobis de pecunia de parte que ad ipsum pertinet de eadem vobis auctoritate qua fungimur in hac parte sub pena excommunicationis maioris quam in vos [] priorem et ceteros maiores vestri prioratus ferimus in hiis scriptis si presens mandatum nostrum omiseritis aut neglexeritis adimplere districte precipiendo mandamus quatinus [in] collectione et levatione decime vobis commissa pro anno tertio cum omnimoda festinatione pariter et rigore excommunicando suspendendo interdicendo [] personarum exceptionem habentes sed omnibus prorsus cavillatione et exceptione remotis celeriter procedatis et d[icta quingent]as libras quam citius levari poterunt illi vel illis liberetis qui nostram acquietanciam sigillis nostris no[]lito autentum sigillatam vobis tradent taliter os habentes in premissis quod preter spirituale periculum dampnum temporale vitetis Datum London die xxi Novembris