Charter Document - 03420319
| Charter Number: | 03420319 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1284 |
| Date type: | Internal, A.D., Calendar |
| Resource Link(s): |
|
Charter:
Viro venerabili et amico confidenti si placet domino Iohanni de Kyrkeby domini thesaurario R miseratione divina London episcopus salutem in domino cum vere caritatis amplexu Arduum negotium estimant decanus et capitulum nostre London ecclesie cartas instrumenta et munimenta sua super iuribus et libertatibus eidem ecclesie competentibus ostendere maxime concanonicorum congregatione prout fieri assolet pretermissa presertim cum id quod omnes tangit communiter hominibus debeat approbari []lce modo ne quis videatur contempni a quorum non declinantes beneficia vestre caritati quantam possumus instancia supplicamus quatinus deinceps decano nostro et capitulo ad ostentationem facie [] predictam usque ad festum beati Edwardi venturum proximo dilationis terminum concedatis eo si placet favorabilius has preces nostras effectui in xii insinuatis quo si preciso consuete delberationis beneficio aliquod inopinatum [] nostri nominis dedecus forsitan redundaret Et cum nos eiusdem neccesitatis articulus in presenti coartet quo canonice causa vestre manus mansuetudinem ne dicamus rigorem non valeamus effugere ut dilacione gaudeamus eadem vobis supplicamus ex corde brevi stilo et incomposito erga eum utimur de quo optinendi quod petimus firmiorem fiduciam reportamus Bene semper valeat vestra caritas in Domino et virgine gloriosa Dat apud Fulham xiii kalend Augusti anno Domini MCCLXXXIIII