Charter Document - 03420318

Universis presentes litteras inspecturis Ricardus miseracione divina London episcopus salutem in Domino sempiternam Nuper venerabilis pater dominus Godefridus episcopus Wygorn in nostro capitulo personaliter constitutus exposuit quod licet pie recordacionis Walterus suus predecessor a sede apostolica optinuerit indulgeri quod ecclesia de Hilyndon nostre dioecesis et iuris sui patronatus cedente vel decedente rectore ipsius qui tunc temporis ministravit in ea sibi suis successoribus et ecclesie Wygorn foret in usus proprios perpetuis temporibus assignata id tamen dum vixit certis ex causis perducere distulit ad effectum propter quod instancius supplicavit quod eam graciam quam idem a sede apostolica prenotatur optinuit nos auctoritate nostra ad effectum producere curaremus presertim cum propter sue ecclesie negocia et per archiepiscopum in super et per regem London quam sepius evocatus accedens deverticulum non habeat in vicinio ad quod quandoque inevitabilibus et non nullis causis ingruentibus declinare comode valeat ac ubi sicut oportuerit commorari Nos itaque super hiis tractatu habitu pleniori intelligentes premissa veritate fulciri quodque noster predecessor appropriacione consenserat faciende sicut nobis fida quorundam assercio patefecit advertentes eciam episcopum suosque successores in ecclesia Wygorn que solebat sanctis ab olim et preclaris pollere prelatis fore nobis et ecclesie nostre profuturos ipsius ecclesie nostre et Wygorn eciam utilitate pensata omnibus insuper predictum negocium tangentibus propensius ponderatis patris illius se nostre ordinacioni super hiis totaliter submittentis votis condigne favendo de unanimi assensu nostri capituli ad hoc specialiter convocati ecclesiam de Hilyndon antedictam venerabili patri domino Godefrido episcopo Wygorn suis successoribus et ecclesie Wygorn appropriamus et in usus proprios concedimus perpetuis temporibus possidendam pontificali et archidiaconali in omnibus salvo iure excepta vicarii dicte ecclesie perpetuo servituri debita sustentacione quam per hanc ordinacionem nostram in porcionibus ecclesie prenotate consistere volumus infrascriptis videlicet in oblacionibus quibuscumque et ex quacumque causa in pecunia et cereis ac candelis de cera ad ecclesiam venientibus supradictam in decimis lane lactis casei vitulorum et agnorum necnon in decimis curtilagiorum gardinorum porcellorum arcarum pullorum necnon decimis vinariorum et huiusmodi minutorum item in oblacionibus festi Purificacionis ac celebracionibus sponsalium exequiis funerum in denariis missalibus que requesta vocantur in mortuariis legatis spontaneis decedentium et in oblacionibus die sancte Margarete occasione nundinarum de Wyxebrugg provenientibus ad capellam eiusdem loci item in decimis molendinorum tocius parochie supradicte et in ceteris omnibus ac singulis decimis et oblacionibus minutis ad ecclesiam spectantibus memoratam Ordinamus etiam quod vicarius qui pro tempore fuerit ad sustentacionem equi sui duas bigatas feni utramque cum duobus equis onustam habeat et percipiat de episcopo Wygorn ibidem Et episcopus Wygorn qui nunc est suis sumptibus duas acras terre ab omni servicio seculari liberas comparabit vel alias assignabit prope ecclesiam de Hilyndon in quibus mansum sibi construere poterit vicarius instituendus ibidem qui quidem vicarius de episcopo Wygorn qui pro tempore fuerit dimidiam marcam in festis Annunciacionis Dominice et beati Michaelis pro equalibus porcionibus percipiet annuatim Ordinamus preterea quod de ovibus et huiusmodi pecudibus que episcopus Wygorn quocumque tempore ultra quadraginta habuerit in parochia prenotata vicarius qui pro tempore fuerit in lata agnorum et lacte decimam habeat et percipiat omnino Vicarius vero qui pro tempore fuerit onera sustineat infrascripta videlicet per se et alios ministros necessarios et ydoneos matrici ecclesie deserviat et capelle archidiacono loci procuret et solvat sinodalia omniaque alia onera ordinaria ipsius ecclesie agnoscat exceptis dedicacione ecclesie et reparacione cancelli eiusdem cum opus fuerit que quidem onera ad episcopum Wygorn volumus pertinere In extraordinariis vero omnibus tam episcopus quam vicarius pro sua rata onus supportabant Collacionem siquidem vicarie sepe dicte nobis et successoribus nostris in ecclesia London perpetuis temporibus reservamus vacante vero ecclesia London decanus et capitulum eiusdem loci vicariam conferant memoratam necnon vacante ecclesia Wygorn toto tempore vacacionis custodiam ecclesie de Hilyndon supradicte et proventus ad episcopum Wygorn spectantes in eadem dicti decanus et capitulum percipiant inconcusse et in usus suos convertant prout viderint expedire Presenti vero ordinacioni nostre dictus dominus episcopus Wygorn expressum consensum adhibuit eamque penitus acceptavit Volentes igitur ut premissa perpetue robur firmitatis optineant exemplaria litterarum fieri fecimus in premissis quarum una penes prefatum episcopum Wygorn alia penes capitulum nostrum tercia penes archidiaconem Middlesex sub sigillo nostro et quarta penes nos sub sigillo [] episcopi Wygorn permaneant ad perpetuam memoriam premissorum Hiis testibus magistris Thoma del Ingelthrop decano ecclesie nostre santi Pauli London Ricardo de Swynefeud archidiacono London Radulfo de Ivyngho cancellario eiusdem domino Roberto de Drayton thesaurario eiusdem magistro Iohanne de Leuca et Roberto de Stowa canonicis eiusdem domino Thoma de Northflete canonico ecclesie Lync et magistro Iohanne de Leycestr rectore ecclesie de Wethampstede clerico nostro et aliis Datum apud Foleham ii nonas Novembris anno domini MCC octuagesimo primo et pontificatus nostri anno secundo