Charter Document - 03420315
| Charter Number: | 03420315 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1303 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo domino Edwardo Dei gratia illustri regi Angl domino Hibern et duci Aquit suus R eiusdem permissione London episcopus salutem in eo per quem feliciter reges regnant Quia Ricardus Norman de Krykesheth nostre dyocesis maioris excommunicacionis sentencia per nos auctoritate ordinaria propter suam contumaciam et manifestam offensam legitime innodatus ipsam sentenciam per quadraginta dies et amplius animo indurato sustinuit et in presenti sustinet claves ecclesie nequiter contempnendo celsitudini regie humiliter supplicamus ut ipsius Ricardi pertinaciam et rebellionem seculari potencia iuxta regni vestri consuetudinem dignemini cohercere Excellenciam vestram conservet altissimus per tempora feliciter duratura In cuius rei testimonium sigillum nostrum presentibus est appensum Dat apud Wycham ii kalend Maii anno Domini millesimo trecentesimo tertio