Charter Document - 03420314

A Tresnoble Prince e son treschieur Seignur sire Edward par la grace de Dieu Roy Dengleterre Seignur Derlande [] le soen humble chapeleyn evesque de Londres salutz e quantqe il siet e poet de reverence e de honur Tres chier Seignur iceo Mardy apres la Cluse Paschae receumes vos letters de credence par sire Waltier de Pederton vostre Clerc qe nous dist de par vous que nous feisons en hast maundera a les cuillours de la dyme mise par nostre Seignur le Apostoyle en Hirlande qe i facent lyverer a Sire Richard de Bereford vostre Tresourer en le dite terre Dirland mille Mars e pur ceo qe nous desiromse touz jours presz serroms a faire voz pleisirs e commandemenz a nostre poer si serons faire nos letters overtes e closes a cuillors susditz de mille Marz avant ditz a paier au dit tresourer en la forme susdite issi qu nous eyoms vostre lettre de aquitance de deners avant nome solom la forme de voz autres lettres avant ces heures sestes de tieux paemenz quele nous avoms baille al portour de cestes lettres a reporter a Londres al houstle mestre Bertilmew de Ferentyn ou noz lettres a Cuillours avantditz ferront prestemenz tronez Nostre Seignur vos doynt bone saunt e longe vie Escrit a Suthministre le seize jour de Avril