Charter Document - 03420308
| Charter Number: | 03420308 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1302 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo domino Edwardo Dei gratia illustri regi Anglie domino Hibernie et duci Aquitannie Ricardus eiusdem permissione London episcopus salutem in eo per quem feliciter reges regnant Quia Castanea la Barbare de London nostre dioecesis maioris excommunicacionis sentencia per nos auctoritate ordinaria propter suam contumaciam et manifestam offensam legitime innodata ipsam sentenciam per quadraginta dies et amplius animo indurato sustinuit et adhuc sustinet claves ecclesie nequiter contempnendo celsitudini regie humiliter supplicamus ut ipsius Castanee pertinaciam et rebellionem seculari potencia iuxta regni vestri consuetudinem dignemini cohercere Excellenciam vestram conservet altissimus per tempora feliciter duratura In cuius rei testimonium sigillum nostrum presentibus est appensum Datum apud Fuleham iiii nonas Iulii anno domini millesimo trecentesimo secundo