Charter Document - 03420306
| Charter Number: | 03420306 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1302 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo domino Edwardo Dei gratia regi Anglie domino Hibernie et duci Aquitanie Ricardus eiusdem permissione London ecclesie minister humilis salutem in eo per quem feliciter reges regnant Cum Iohannes de Uggele super homicide Ricardi Bok de Fleetstrate London per ipsum ut dicebantur perpetrato diffamatus et propter hoc captus et carceri mancipatus fuisset nobis per Radulphum de Standwyco et Stephanum de Graueshende iusticiarios vestros ad gaolam de Neuwegate deliberandum assignatos iuxta libertates ecclesiasticas liberatus in foro ecclesiastico iudicandus idemque clericus super dicto crimine homicidii canonice se purgaverit et auctoritate nostra immunis pronunciatus fuerit ab eodem majestati vestre humiliter supplicamus quatinus bona dicti clerici per ministros vestros ea occasione capta et detenta sibi restitui iubere velitis prout ad excellenciam vestram pertinent de vestra gratia speciali Conservet vos altissimus cum sospitate longiora ad regimen sue plebis In cuius rei testimonium sigillum nostrum presentibus est appensum Datum apud Crondon idus Aprilis anno domini MCCC secundo