Charter Document - 03420298
| Charter Number: | 03420298 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1300 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo domino Edwardo Dei gratia regi Anglie domino Hybernie et duci Aquitannie suus Ricardus eiusdem permissione London ecclesie minister salutem in eo per quem feliciter reges regnant Quia Iohannes Francys de suburbio London propter suas multiplicatas contumacias maioris excommunicacionis sentencia auctoritate ordinaria legitime innodatus existit et huiusmodi sentenciam per quadraginta dies et amplius animo sustinuit indurato claves ecclesie nequiter contempnendo excellenciam vestram humiliter deprecamur quatinus dicti Iohannis pertinaciam secundum regni vestri consuetudinem dignemini cohercere Magnificencie vestre culmen sibi a suo regno conservet altissimus per tempora feliciter diuturna In cuius rei testimonium sigillum nostrum presentibus est appensum Datum apud Fuleham v[] kalendas Septembris anno domini millesimo tricentesimo