Charter Document - 03420297
| Charter Number: | 03420297 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1300 |
| Date type: | Internal, A.D. |
| Resource Link(s): |
|
Charter:
Excellentissimo principi et domino suo domino Edwardo Dei gratia regi Anglie domino Hybernie et duci Aquitannie Ricardus permissione divina London episcopus salutem Cum omni prompti tudine complacendi Licet executores domini Iohannis de Cobeham defuncti commissionem domini nostri regis de castro Roffensi nobis liberando et etiam de utensilibus armis et aliis in eodem castro inventis nobis per dividendam tradendis receperint Quia tamen pauca in ipso castro et valoris modici sunt inventa iidem executores cuidam littere quam inter nos de huiusmodi inventis fieri fecimus iuxta ordinacionem domini Regis et preceptum sigilla sua apponere nunc recusant vos affectuosis precibus exoramus quatinus ut dicti executores domini regis commissioni que penes eos residet pareant iterum iubeantur vel saltem scribatur vicecomiti Kancie ut ea que sunt in castro nobis tradantur sub eius testimonio atque visu processu enim temporis plura nobis possent impingi recepta et estimacionis forsan maioris Et ideo in hoc cautius est agendum Quid autem facere decreveritis nobis intimare velitis si placeat per presencium portitorem Bene in domino valeatis Datum apud Crondon x Kalendis Maii anno domini MCCC