Charter Document - 03420289
| Charter Number: | 03420289 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1298 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo domino Edwardo Dei gratia regi Anglie illustri domino Hibernie et domino Aquitannie Ricardus eiusdem permissione London episcopus salutem in eo per quem feliciter reges regnant Noverit dominacio vestra Agnetem dictam Pynnote de London nostre dioecesis mulierem propter suam contumaciam et offensam manifestam maioris excommunicacionis sentencia auctoritate ordinaria innodatum per quadraginta dies et amplius in ea perseverasse claves ecclesie pertinaciter contempnendo in proprie salutis dispendium et scandalum plurimorum Quocirca vestre celsitudini supplicamus attente quatinus dicte excommunicate pertinaciam maiestate regia iuxta regni vestri consuetudinem cohercere velitis Ad ecclesie sue regimen altissimus vos conservet Datum apud Orseth kalendas Ianuarii anno domini millesimo CC nonagesimo septimo