Charter Document - 03420288
| Charter Number: | 03420288 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1297 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo domino Edwardo Dei gratia regi Anglie illustri domino Hibernie et duci Aquitannie Ricardus eiusdem permissione London nostre dioecesis minister salutem in eo per quem feliciter reges regnant Noverit dominacio vestra Robertum qui se gerit pro rectore ecclesie sancte Ethelburge London nostre dioecesis capellanum pro sua contumacia et offensa manifesta maioris excommunicacionis sentencia auctoritate ordinaria innodatum per quadraginta dies et amplius in eadem perseverasse claves ecclesie pertinaciter contempnendo in proprie salutis dispendium et scandalum plurimorum Quocirca vestre celsitudini supplicamus attente quatinus dicti excommunicati pertinaciam maiestate regia iuxta regni vestri consuetudinem cohercere velitis Conservet excellenciam vestram altissimus per tempora longiora Datum London viii kalendas Novembris anno Domini millesimo CC nonagesimo septimo