Charter Document - 03420285
| Charter Number: | 03420285 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1297 |
| Date type: | Internal, A.D., Feast |
| Resource Link(s): |
|
Charter:
Excellentissimo principi et domino suo domino Edwardo Dei gratia regi Anglie illustri domino Hibernie et duci Aquitannie Ricardus eiusdem permissione London ecclesie minister salutem et in iura ecclesie defendendo gratiam et subsidium suam patris Noverit dominacio vestra Walterum dictum molendinarium firmarum molendini de Westone nostre dioecesis laicum pro sua contumacia et offensa manifesta maioris excommunicacionis sentencia auctoritate ordinaria innodatum per quadraginta dies et amplius in eadem perseverasse claves ecclesie pertinaciter contempnendo qui etiam adhuc incorrigibilem se exhibet in proprie salutis dispendium et scandalum plurimorum Quocirca vestre celsitudini supplicamus attente quatinus dicti excommunicati pertinaciam maiestate regia iuxta regni vestri consuetudinem cohercere velitis Vestram excellenciam conservet altissimus per tempora diuturna Datum apud Brokysborn die veneris proxima post festum sancti Iacobi apostoli anno Domini MCC nonagesimo septimo