Charter Document - 03420284
| Charter Number: | 03420284 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1296 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo domino Edwardo Dei gratia regi Anglie illustri domino Hibernie et duci Aquitannie et eiusdem permissione London ecclesie minister salutem et in iura ecclesie defendendo gratiam et subsidium summi patris Noverit dominacio vestra Baldwinum filium Alexandri Bacheler de Wrytele Iohannem filium Stephani Iohannem le Drynere de Wrytelebery Michaelem Pastorem Iohannem Manekyn et Iohannem Blank laicos nostre dioecesis pro sua contumacia et manifesta offensa maioris excommunicacionis sentencia auctoritate ordinaria innodatos per quadraginta dies et amplius in ea perseverasse claves ecclesie pertinaciter contempnendo qui etiam adhuc incorrigibiles se exhibent in proprie salutis dispendium et scandalum plurimorum Quocirca vestre celsitudini supplicamus attente quatinus excommunicatorum pertinaciam maiestate regia iuxta regni vestri consuetudinem cohercere velitis Altissimus vos prosperet in agendis Datum apud Claketon x kalendas Ianuarii anno domini MCC nonagesimo sexto