Charter Document - 03420278
| Charter Number: | 03420278 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1294 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gracia regi Anglie domino Hybernie et duci Aquitannie Ricardus eiusdem miseracione Lond episcopus salutem et cum omni reverencia tam debitam quam devotam Dominacioni vestre notum facimus quod Nicholaus atte Mark de Sotenham et Iohannes dictus Le Welle de Pebenerss laici nostre dioecesis propter eorum contumaciam pariter et offensam manifestam maioris excommunicacionis sentencia innodati in eadem per quadraginta dies et amplius pertinaciter perseverantes adhuc incorrigibiles existunt claves ecclesie contempnendo Quocirca celsitudini vestre supplicamus humiliter et devote quatinus dictos excommunicatos ad satisfaciendum Deo et ecclesie regia potestate iuxta iuris exigenciam et regni vestri consuetudinem dignemini cohercere Valeat dominationis vestre serenitas per tempora diuturna Datum Lond iii nonas Iunii anno domini MCC nonagesimo quarto