Charter Document - 03420276
| Charter Number: | 03420276 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1294 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia regi Anglie illustri domino Hibernie et duci Aquitannie Ricardus eiusdem permissione London ecclesie minister salutem in eo per quem feliciter reges regnant Vestre pateat celsitudini quod cum Rogerus de Assewell clericus pro suppositione recepta menti Cristine de la Dorme felonis ut dicitur captus et incarceratus in curia vestra coram domino Iohanne de Berewyk et sociis suis iusticiariis itinerantibus in comitatu Midd dampnatus fuisset nobisque postea liberatus secundum libertates ecclesiasticas iudicandus ipsius purgationem super imposito sibi crimine precedente solemnitate que in talibus convenit et servata per magistrum Ernaldum de Stokes iuris civilis professorem clericum nostrum cui receptionem purgationis huius specialiter duximus committendam cum sufficienti com purgatorum numero et decenti admisimus eum sue fame pristine restituentes in integrum a dictoque facinore pronunciantes immunem vestram dominationem exoramus attentius quatinus bona dicti clerici et possessiones que ad manus vestras pervenerint ut commissa secundum iura regni vestri et consuetudinem eidem clerico caritatis intuitu iubeatis Vestra excellentia in Domino valeat nunc et semper Datum apud Foleham viii kalendas Iunii anno domini MCC nonagesimo quarto