Charter Document - 03420274
| Charter Number: | 03420274 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1293 - 1294 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino E Dei gratia regi Angl illustri domino Hibern et duci Aquit R eiusdem permissione London ecclesie minister salutem in eo per quem reges regnant Vestre pateat celsitudini reverende quod cum Ricardus de Brunford clericus pro sinistra suspicione roberie captus et apud Neugate incarceratus ac coram dominis Roberto Malet et Radulfo de Sandwico tunc ad liberacionem gaole de Neugate iusticiis deputatis die Carniprivii anno Domini MCC nonagesimo secundo dampnatus nobisque postea liberatus secundum libertates ecclesiasticas iudicandus ipsius purgacionem super imposito sibi crimine precedente sollempnitate que in talibus convenit et servata per magistrum Ernaldum de Stokes iuris civilis professorem clericum nostrum cui recepcionem purgacionis huius specialiter duximus commitendum cum sufficienti compurgatorum numero et decenti admisimus eum sue fame pristine restituentes in integrum a dictoque facinore ipsum pronunciantes immunem vestram dominacionem exoramus attencius quatinus bona dicti clerici et possessiones que ad manus vestras pervenerint ut commissa secundum iura regni vestri et consuetudinem eidem clerico caritatis intuitu restituti iubeatis Vestra excellencia valeat nunc et semper Dat apud Stebenheth kalend Marcii anno domini MCC nonagesimo tertio