Charter Document - 03420273
| Charter Number: | 03420273 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1293 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia regi Anglie domino Hibernie et duci Aquitannie Ricardus eisudem permissione London episcopus salutem in eo per quem reges regnant Noverit dominatio vestra Robertum Vigrous London laycum pro sua contumacia et offensa manifesta maioris excommunicationis sententia auctoritate ordinaria innodatum per quadraginta dies et amplius in ea perseverasse claves ecclesie pertinaciter contempnendo qui etiam adhuc incorrigibilem se exhibet in proprie salutis dispendium et scandalum plurimorum Quocirca vestre celsitudini supplicamus attente excommunicati pertinaciam majestate regia iuxta regni vestri consuetudinem cohercere velitis Conservet vestre excellenciam vestram altissimus et progressus vestros in pacis via dirigat per tempora diuturna Datum apud Haringeye xii kalendas Novembris anno domini MCC nonagesimo tercio