Charter Document - 03420272
| Charter Number: | 03420272 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1291 - 1292 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino E Dei gratia regi Angl domino Hybern et duci Aquitan Ricardus eiusdem miseracione London episcopus salutem et cum omni honore reverenciam tam debitam quam devotam Dominationi vestre notum facimus quod Simon de Eboraco Iohannes de Solesbyrg Adam dictus Payn clericus Willelmus Le Compere Andreas Le Formages Alicia de Cheggewelle et Iohannes de Merck nostre diocesis laici propter eorum contumaciam pariter et offensam manifestam maioris excommunicationis sententia innodati in eadem per quadraginta dies et amplius pertinaciter perseverans adhuc incorrigibiles existunt claves ecclesie contempnendo Quocirca celsitudini vestre supplicamus humiliter et devote quatinus dictos excommunicatos ad satisfaciendum Deo et ecclesie regia potestate iuxta exigenciam iuris et regni vestri consuetudinem dignemini cohercere Valeat dominationis vestre serenitas per tempora longiora Dat apud Fuleham xv kalend Martii anno Domini MCC nonagesimo primo