Charter Document - 03420267
| Charter Number: | 03420267 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1288 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino Edwardo Dei gratia regi Anglie domino Hybernie et duci Aquitannie Ricardus permissione divina London episcopus salutem cum omni reverencia et honore Dominacioni vestre notum facimus fratrem Thomam dictum Le Carpenter fratrem ordinis sancti Thome de Acon propter suam contumaciam pariter et offensam manifestam sentencia maioris excommunicacionis fuisse diu est et nunc esse auctoritate nostra canonice innodatum in qua per quadraginta dies et amplius pertinaciter perseverans adhuc incorrigibilis existit claves ecclesie contempnendo Quocirca celsitudini vestre supplicamus humiliter et devote quatinus dictum excommunicatum ad satisfaciendum Deo et ecclesie regia potestate iuxta regni vestri consuetudinem dignemini cohercere Valeat dominacio vestra per tempora diuturna Datum apud Crundon xiii kalendas Ianuarii anno domini MCCLXXX octavo