Charter Document - 03420265
| Charter Number: | 03420265 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1288 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino E Dei gratia regi Anglie illustri domino Hybern et duci Aquitann R eiusdem miseracione London episcopus salutem in domino cum omni reverencia et honore Noverit dominacio vestra Walterum dictum Galingal de Colecestum laycum pro sua contumacia et offensa manifesta maioris excommunicacionis sentencia canonice innodatum per quadraginta dies et amplius in ea perseverasse claves ecclesie pertinaciter contempnendo qui etiam adhuc in corrigibilem se exhibet in proprie salutis dispendium et scandalum plurimorum Quocirca vestre celsitudini supplicamus attente quatinus dicti excommunicati pertinaciam magestate regia iuxta regni vestri consuetudinem cohercere velitis Conservet excellenciam vestram altissimus et progressus vestros in pacis via dirigat per tempora diuturna Dat apud Loddisworth kalen Iunii anno domini MCCLXXX octavo