Charter Document - 03420261
| Charter Number: | 03420261 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1286 - 1287 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino E Dei gratia regi Angl domino Hybern et duci Aquitan R eiusdem miseracione London ecclesie minister humilis salutem in Domino cum omni reverencia et honore Cum Stephanus Gospal clericus dudum de morte Thome de Hodemelle et Hugonis fratris eius exstitit in nostra diocesi publice diffamatus et propter hoc captus et carcere mancipatus ac deinde ad exaccionem nostram ad iudicandum in foro ecclesiastico secundum libertates ecclesiasticas nobis per dominos Iohannem de Vallibus Rogerum Loveday et suos socios iusticios vestros ad gaole turris vestre London deliberacionem assignatos liberatus fuisset idemque clericus nedum de morte dictorum Thome et Hugonis set etiam consensu a auctoritate per ipsum ut dicebatur adhibitis in eadem ac receptacione eorum qui eos interfecerunt canonice se purgaverit magestati vestre supplicamus intente quatinus terras tenementa bona et catalla clerici antedicti eidem occasione predicta in regno vestro decreta ut sibi restituantur sicut ad vestram excellenciam pertinet ob honorem Dei et ecclesie sue sancte iubere velitis Conservet altissimus prosperitatem vestram semper incolumen Dat apud Orseth xvi kalen Aprilis anno domini MCCLXXX sexto