Charter Document - 03420260
| Charter Number: | 03420260 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1286 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo Edwardo Dei gratia regi Anglie domino Hybernie et duci Aquitannie Ricardus eiusdem miseracione London episcopus salutem in Domino cum omni reverencia et honore Cum Nicholaus le Turnur de Redeswell clericus super eo quod dicebatur ipsum Galfridum fratrem suum de quodam homicidio in villa de Finchingfeld irretitum in domo sua scienter receptasne et alteri homicidio quod Iohannes de Depeden in villa de Magna Bedefeud ut Dei []rarat assensisset irretitus et propter hoc per iusticios coronatos nuper itinerantes in Essex attestatus fuisset et demum ad peticionem nostram nobis per eosdem iusticios ad iudicandum in foro ecclesiastico liberatus idemque clericus nullo dictum crimen contra eum in foro ecclesiastico legitime prosequente licet ad hoc dies et locus statuti fuerint publica proclamacione premissa coram [] officiali nostro super hoc canonice se purgaverit vestre excellencie supplicamus attente quatinus bona et possessiones que eidem clerico hac occasione exstiterant per ballivos vestros seculares ablata ob Dei et ecclesie sue sancte reverenciam restituti inbere velitis eidem Bene valeat excellencia vestra per tempora longissima Datum apud Haringg iii kalendas Maii anno domini MCCLXXX sexto