Charter Document - 03420258
| Charter Number: | 03420258 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1285 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia regi Anglie domino Hybernie et duci Aquitannie Ricardus eiusdem miseracione London ecclesie minister humilis salutem in Domino cum omni reverencia et honore Cum Willelmus filius Ricardi de Hedirseth clericus super vitio falsi per eum in vestris commisso brevibus irretitus propter hoc captus et incarceratus demum ad iudicandum super hoc in foro ecclesiastico nobis secundum libertatem ecclesiasticam liberatus super crimine sibi imposito canonice se purgaverit ac bona sua a ballivis vestris occasione predicta occupata sint et detenta Celsitudini vestre supplicamus quatinus dicto clerico bona sua liberari mandare velitis Bene semper valeat vestra dominacio per tempora longiora Datum apud Suthminstr x kalendas Augusti anno domini MCCLXXX quinto