Charter Document - 03420257
| Charter Number: | 03420257 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1285 |
| Date type: | Internal, A.D., Calendar |
| Resource Link(s): |
|
Charter:
Magnifico principi domino E Dei gratia illustri regi Angl domino Hibernie et duci Aquitann Ricardus permissione divina London ecclesie minister humilis salutem in eo per quem reges regnant et principes dominantur Excellencie vestre tenore presencium significamus quod Willelmus Hautequer in London moram trahens subditus noster et propter suam manifestam contumaciam pariter et offensam manifestam excommunicacionis sententia auctoritate ordinaria excommunicatus existit in qua excommunicacione per quadraginta dies et amplius pertinaciter stare et adhuc presumit claves ecclesie contempnendo Unde cum ecclesia non habeat ultra quid faciat in hac parte serenitati vestre regie supplicamus quatinus prout moris est predictum Willelmum inobediencie filium per auxilium regie maiestate cohercere et castigare velitis seu castigari pocius iubeatis donec ad ecclesie redierit unitatem et absolucionis beneficium meruerit optinere ut quem Dei timor ab errore non revocat severitas regia coherceat et castiget Dat apud Fuleham vi idus Maii anno domini MCCLXXX quinto