Charter Document - 03420256
| Charter Number: | 03420256 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1284 - 1285 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo Edwardo Dei gratia regi Anglie domino Hibernie et duci Aquitannie Ricardus eiusdem miseratione London ecclesie minister salutem in Domino cum reverentia et honore Noverit excellentia vestra Iohannem Breselaunce Ricardum Hakim Iohannem Pedeleure de Rothing Alta et Richardum mercatorem de Rothing Berners maioris excommunicationis sententia auctoritate nostra ordinaria propter sua contumacia et offensa manifesta innodati ex dudum per quadraginta dies et amplius perstitisse claves ecclesie pertinaciter contempnendo qui etiam adhuc animo indurato in ea perseverare dampnabiliter non formidant in salutis sue non leve periculum et grave scandalum plurimorum Quapropter vestre celsitudini supplicamus quatinus dictorum excommunicatorum rebellionem et contemptum secundum regni vestri consuetudinem maiestate regia cohercere velitis Bene valeat vestra dominatio per tempora longa in Cristo et virgine gloriosa Datum apud Wykham xi kalendas Februarii anno domini MCC octogesimo quarto