Charter Document - 03420250
| Charter Number: | 03420250 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 - 1283 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia illustri regi Anglie domino Hybernie et duci Aquitannie Ricardus eiusdem miseratione London episcopus salutem in eo per quem reges regnant Noverit dominatio vestra Willelmum de Radcomld clericum pro contumatia et offensa manifesta maioris excommunicationis sententia auctoritate ordinaria exdudum innodatum fuisse in qua per quadraginta dies et amplius pertinaciter perduravit et animo indurato dampnabiliter perseverare non formidat in scandalum ecclesie et perniciem plurimorum Vestre igitur celsitudini supplicamus quatinus dicti excommunicati obstinatam secundum regni vestri consuetudinem maiestate regia cohercere velitis Bene semper in Domino vestra valeat excellentia reverenda Datum apud Stybenheth iii idus Martii anno domini MCC octogesimo secundo