Charter Document - 03420248
| Charter Number: | 03420248 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo Edwardo Dei gratia illustri regi Anglie domino Hybernie et duci Aquitannie Ricardus eiusdem miseracione Lond ecclesie minister salutem in domino cum omni reverencia et honore Noverit celsitudo vestra Iohannem dictum May filium quondam Willelmi May civis Lond pro sua manifesta contumacia et offensa maioris excommunicacionis vinculo auctoritate ordinaria ex dudum innodatum fuisse in qua per quadraginta dies et amplius pertinaciter perseverans adhuc incorrigibilis existit claves ecclesie in scandalum plurimorum pertinaciter contempnendo Quocirca vestre celsitudini supplicamus quatinus secundum regni vestri consuetudinem dicti Iohannis obstinatam maiestate regia cohercere velitis Conservet altissimus vestre donacionis statum prosperum per tempora longiora Datum apud Fulham viii idus Octobris anno domini MCC octogesimo secundo