Charter Document - 03420245
| Charter Number: | 03420245 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo dei gratia illustri regi Anglie domino Hybernie et duci Aquitannie Ricardus eiusdem miseratione London episcopus salutem in eo per quem reges regnant Noverit dominatio vestra Willelmum Dubleherneys London pro sua contumacia pariter et offensa manifesta excommunicationis sententia auctoritate ordinaria innodatum fuisse in qua per quadraginta dies et amplius perduravit et adhuc perseveret animo indurato in scandalum ecclesie et perniciem plurimorum Vestre igitur celsitudini supplicamus quatinus dicti excommunicati obstinatam secundum regni vestri consuetudinem majestate regia cohercere velitis Bene valeat vestra dominatio reverenda Datum apud Stybenheth iii nonas Maii anno domini MCC octogesimo secundo