Charter Document - 03420244
| Charter Number: | 03420244 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia illustri regi Anglie domino Hybernie et duci Aquitannie Ricardus miseratione eiusdem London episcopus salutem in Domino per quem reges regnant Noverit dominatio vestra Willelmum Gerveys et Iohannem de Marham pro sua contumacia pariter et offensa manifesta vinculo excommunicationis auctoritate ordinaria ex dudum innodatos fuisse in qua per quadraginta dies et amplius pertinaciter perdurarunt et adhuc animo indurato dampnabiliter perseverare non formidant in scandalum ecclesie et perniciem plurimorum Vestre igitur celsitudini supplicamus quatinus dictorum excommunicatorum obstinatam secundum regni vestri consuetudinem maiestate regia cohercere velitis Bene semper valeat vestra dominatio reverenda Datum apud Stybenheth iiii nonas Maii anno domini MCC octogesimo secundo