Charter Document - 03420236
| Charter Number: | 03420236 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo Edwardo Dei gratia regi Anglie domino Hybernie et duci Aquitannie Ricardus eiusdem miseracione London episcopus salutem et tam debitam quam devotam cum omni honore reverenciam Dominacioni vestre notum facimus quod Nicholaus Seuth de Wy[]telo propter suam contumaciam pariter et offensam manifestam sentencia excommunicacionis nostra est auctoritate innodatus in qua per quadraginta dies et amplius pertinaciter perseverans et adhuc incorrigibilis existit claves ecclesie contempnendo Quocirca celsitudini vestre supplicamus humiliter et devote quatinus dictum excommunicatum ad satisfaciendum Deo et ecclesie regia potestate iuxta regni vestri consuetudinem dignemini cohercere Valeat dominationis vestre serenitas per tempora longiora Datum apud Stybenheth xi kalendas Augusti anno domini MCC octogesimo primo