Charter Document - 03420235
| Charter Number: | 03420235 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo E Dei gratia regi Angl domino Hybern et duci Aquitan R eiusdem miseratione London episcopus salutem in Domino cum omni reverentia et honore Noverit excellentia vestra Willelmum de Orewenho executorem testamenti quondam iunioris defuncti sententia excommunicationis auctoritate nostra ordinaria pro sua contumacia pariter et offensa esse innodatum in qua per quadraginta dies et amplius claves ecclesie pertinaciter contempnendo perdurans adhuc incorrigibilis existit in proprie salutis non leve periculum et grave scandalum plurimorum Quocirca venerationem vestram attente requirimus et rogamus quatinus dicti excommunicati pertinaciam iuxta regni vestri consuetudinem maiestate regia cohercere velitis Bene valeat excellentia vestra per tempora diuturna Dat apud Wikham ii idus Iunii anno domini MCC octogesimo primo