Charter Document - 03420225
| Charter Number: | 03420225 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Venerabili in Cristo patri domino R Dei gratia Bathon et Wellen episcopo suus R eiusdem miseratione London ecclesie minister salutem et sinceram in domino caritatem De litteris quam nuper a domino nostro rege nobis vestra gratia impetrastis ut festo sancti Iohannis Baptiste proximo preterito usque ad proximum festum nativitatis domini nos absentare ssimus vobis inter cetera grates et gratiarum referimus actiones verum quia tam pro servitio dicti domini regis quod ad plenum scribimus in presenti quam suis variis et arduis ecclesie nostre negotiis impediti que infecta relinquere non potuimus nec debuimus quod rogavimus non potuimus adimplere paternitatem vestram affectu quo possumus requirimus et rogamus quatinus eundem dominum regem ad hoc pro nobis si placet si sine offensa hoc fieri poterit interpellere velitis ut gratiam prius petitam et optentam ut premittitur usque ad festum beati Petri ad vincula proximo venturum nobis continuare dignetur Bene semper in domino valeat vestra paternitas reverenda Dat apud Orseth iiii non Novembris anno domini MCC octogesimo secundo