Charter Document - 03420217
| Charter Number: | 03420217 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Exemption |
| Date: | 1302 |
| Date type: | Internal, A.D. |
| Resource Link(s): |
|
Charter:
R permissione divina London episcopus dilecto in Cristo filio Willelmo dicto de Aula rectori ecclesie sancte Brigide London accolito salutem gratiam et benedictionem Cum in litterarum scientia proficere cupias ac nos etate tua tuique ingenii docilitate et aliis circumspecte pensatis proinde attendentes quod studendo et proficiendo in scientia fructuum in dei ecclesia afferre valeas oportunum ut usque ad septennium studio litterarum in universitate aliqua approbata insistens ad diaconatus et presbiteratus ordines promoveri minime tenearis iuxta formam constitutionis a sanctissimo patre domino Bonifacio divina providentia papa octavo in hac parte edite tecum tenore presentium dispensamus proviso quod infra annum a tempore commissi tibi regiminis te procures in subdiaconum ordinari et dicto durante septennio per sufficientem vicarium deputandum a nobis animarum cura in ecclesia tua diligenter exerceatur et eidem deserviatur laudabiliter in divinis ac etiam onera undique incumbentia debite agnoscantur In cuius rei testimonium sigilum nostrum presentibus est appensum Dat apud Haringeye vii id Iunii anno domini millesmo trescentesimo secundo