Charter Document - 03420216
| Charter Number: | 03420216 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1290 |
| Date type: | Internal, A.D., Episcopal |
| Resource Link(s): |
|
Charter:
Universis sancte matris ecclesie filiis Ricardus miseracione divina London episcopus salutem et in presenti gratiam et gloriam in futuro Dum excitamus mentes fidelium ad opera caritatis excitatis paramus veniam et nobis clemenciam inclinamus Ea propter hospitalis beate Marie de Anesti exilitatem pensato incumbente eidem onere advertentes cunctis Cristi fidelibus de nostra parochia ceterisque omnibus quorum dioecesani hanc nostram indulgenciam ratam habuerint de suis peccatis petentibus et confessis qui eidem hospitali de bonis sibi a Deo collatis subsidia caritatis impenderint de dei omnipotentis misericordia virginis gloriose beatorum apostolorum Petri et Pauli omniumque sanctorum meritos confidentes quadraginta dies de iniuncta sibi penitencia misericorditer relaxamus indulgencias quascumque prefato hospitali canonice per concessas quantum ad dioecesanum pertinet tenore presencium ratificantes In cuius rei testimonium sigillum nostrum presentibus est appensum Datum apud Hadham vi kalendas Novembris anno domini MCC nonagesimo pontificatus nostri undecimo