Charter Document - 03411071
| Charter Number: | 03411071 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1251 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Innocentius episcopus [] venerabilibus fratribus Lincoln Wigorn et London episcopis salutem et apostolicam benedictionem Cum dilectus filius Iohannes vester et aliorum prelatorum et clericorum provincie Cantuar commune omnium vestrum persequendo negotium gravia subierit onera expensarum ac ob hoc multis debitis obligatus duo milia marcarum preter illa quatuor milia in quibus nobis ex parte vestra servivit et pro quibus colligendis alia scripta dirigimus receperit mutuo de nostra licentia speciali fraternitati vestre per apostolica scripta mandamus quatinus predicta duo milia per omnes ecclesias non exemptas eiusdem provincie civitatis et diocesis Cantuar ecclesiis ac proventibus archiepiscopalibus duntaxat exceptis equaliter consideratis singularum facultatibus partientes ipsas earumque personas ad solvendum quod eis imposueritis per vos et alios quos ad id colligendum deputandos duxeritis per censuram ecclesiasticam appellationibus postpositis compellatis non obstante si aliquibus de partibus illis quod excommunicari suspendi interdici aut compelli ad aliquam provisionem non valeant a sede apostolica sibi sit indultum et universis privilegiis indulgentiis vel literis apostolicis generalibus vel specialibus sub quacunque verborum forma optentis et optinendis et quibuslibet aliis per que id impediri vel differri valeat et de quibus specialem et expressam fieri oporteat in presentibus mentionem et constitutione de duabus dietis edita in concilio generali Dat Perusii non Iunii pontificatus nostri anno nono