Charter Document - 03410203

Universis sancte matris ecclesie filiis ad quos presens scriptum pervenerint Iohannes miseratione divina London episcopus salutem in domino Sub regularis vite disciplina viventibus propensiori favoris studio adesse constringimur eorumque promotionibus vigilanter intendere ut victus necessaria sufficienter possidentes devotius et familiarius valeant divinis obsequiis inherere Ea propter ad universitatis vestre notitiam volumus pervenire quod honestatem et piam in Domino conversationem dilectorum filiorum fratris Simonis prioris et conventus de Leg diligenter attendentes quodque ad sustentationem suam nec redditus eis abundant nec sufficiunt facultates Dei causa et religionis favore ecclesiam de Marchyng vacantem que est de patronatu ipsius prioris ex collatione et feoffamento domini Herveia de Borham decani sancti Pauli London cum manso domibus terris dominicis pratis pascuis pasturis homagiis reditibus et omnibus aliis que rectores ipsius ecclesie retroactis temporibus percipere solebant predictis religiosis in proprios usus concedimus perpetuo possidendam salvis nobis et successoribus nostris iurisdctione et lege dioecesana in eadem ecclesia de Machyng et competenti sustentatione perpetui vicarii qui in eadem ecclesia ministrabit semper qua vicaria de consensu et expressa voluntate predictorum religiosorum taliter duximus ordinandum Quod nos et successores nostri ac etiam sede London vacante decanus et capitulum London ydoneam personam nominabimus predictis religiosis quem presentabunt ad vicariam memoratam cum vacaverit nec alium nisi nominatim presentabunt ad vicariam Et si secus fecerint ea vice careant potestate presentandi iam eundem vacante predicta vicaria nominavimus predictis religiosis dominum Willelmum de Wydehaye presbiterum quem a predictis religiosis priore et conventu nobis presentatum ad predictam vicariam admisimus et perpetuum vicarium instituimus in eadem Idem vero vicarius et sucessores sui percipient et libere sine alicuius inquietatione possidebunt nomine vicarie sue antiquum mansum vicarii cum undecim acris terre arabilis et omnibus decimis garbarum et feni de quibusdam feodis in dicta parochia scilicet a bruera de Marchyng que vocatur Marchyng grene usque ad pontem de le doune ex parte orientali vie regie que ducit de Hungre usque ad villam de Stortford Item omnia alia et singula sive in decimis personalibus sive obventionibus et oblationibus et aliis minutis decimis ad predictam ecclesiam spectantem sicut vicarii eiusdem ecclesie retroactis temporibus percipere et possidere consueverunt Et ut predicte vicarie portio ad sustentationem vicarii futuris temporibus sufficiat ordinamus quod predictus vicarius et successores sui percipiant singulis annis de camera predictorum religiosorum unam marcam argenti ad pascha et unam marcam argenti ad festum sancti Michaelis Predicti vero religiosi omnes decimas garbarum et feni parochie predicte libere percipiant preterquam in feodis et locis supradictis et a prestatione decimarum maiorum et minorum totaliter sint immunes exceptis feodis supradictis de quibus vicarii ecclesie predicte qui pro tempore fuerint decimas percipient Et si dominium dictorum feodorum memoratis religiosis quocumque modo adquiratur vicarius autem predictus et successores sui sustinebunt omnia onera ordinaria et extraordinaria tam episcopalia quam archidiaconalia preter dedicationem ecclesie predicte et refectionem cancelli que dicti religiosi unacum extraordinariis oneribus pro rata sustinebunt Ut autem hec nostra collatio et ordinatio perpetue firmitatis robur optineant presentes litteras in modum cirographi confectas quarum una pars penes nos alia penes decanum et capitulum nostrum London tertia penes dictos religiosos et quarta penes dictum vicarium et successores suos permanebunt fieri fecimus et nostri et predictorum religiosorum virorum sigillorum impressionibus communiri Hiis testibus domino Henrico de Borham tunc decano magistro Willelmo Passemur archidiacono de London magistro Radulpho de Yvynghoo dominis Iohanne le Mondam et Iohanne de Sancta Maria canonicis sancti Pauli London magistro Radulpho Baldock domino Roberto de Drayton magistro Philippo de Beeton Milone de Roff clerico et aliis Datum London iiii kalendas Martii anno domini millesimo CCLXXIIII consecrationis nostre anno primo