Charter Document - 03410198
| Charter Number: | 03410198 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Internal, A.D., Feast |
| Resource Link(s): |
|
Charter:
Magnifico principi domino Edwardo dei gratia regi Anglie domino Hibernie et duci Aquitannie Iohannes permissione divina Lond episcopus salutem in eo qui regum corda feliciter moderatur Excellencie vestre tenore presencium significamus quod Willelmus de Hadestok c[] nostre dioecesis propter suam manifestam contumaciam et offensam excommunicacionis vinculo innodatus in eadem excommunicacione per quadraginta dies et amplius claves ecclesie contempnendo animo perseveravit indurato Quapropter regiam requirimus dignitatem quatinus predictum Willelmum ut Deo et ecclesie satisfaciat velitis secundum regni vestri consuetudinem potestate regia cohercere ut quem timor Dei ab errore non revocat saltem severitas regia coherceat et castiget Valeat excellencia vestra semper in Domino Datum apud Stebbenh in festo annunciacionis beate virginis anno domini MCCLXX octavo