Charter Document - 03410197
| Charter Number: | 03410197 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1278 |
| Date type: | Internal, A.D., Feast |
| Resource Link(s): |
|
Charter:
Excellentissimo principi domino Edwardo dei gratia regi Anglie illustri domino Hibernie et duci Aquitannie Iohannes permissione divina London ecclesie humilis minister salutem in eo qui est omnium vera salus Magnificencie vestre tenore presencium significamus quod Iohannes de Abbindon le goldbetere Robertus de Lenn cirotecarius Andreas de Rugemere Willelmus de Eboraco clericus et Walterus filius Alicie Loctis propter eorum contumaciam manifestam et offensam excommunicacionis sentencia innodati in eadem excommunicacione per quadraginta dies et amplius claves ecclesie contempnendo animo perseveraverunt mandato Quapropter vestram requirimus dignitatem quatinus predictos Iohannem Robertum Andream Willelmum et Walterum velitis secundum regni vestri consuetudinem potestate regia cohercere ut quos timor Dei ab errore non revocat saltem severitas regia coherceat et castiget Vestram conservet altissimus sanitatem per tempora longa Datum apud Stebbeheth in crastino apostolorum Symonis et Iude anno domini MCCLXX octavo