Charter Document - 03410195
| Charter Number: | 03410195 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Letter, Complaint |
| Date: | 1278 |
| Date type: | Internal, A.D., Calendar |
| Resource Link(s): |
|
Charter:
Magnifico principi domino Edwardo dei gratia regi Anglie domino Hibernie et duci Aquitannie Iohannes permissione divina Lond ecclesie minister salutem in eo per quem reges regnant Regie significamus dignitati quod nonnulli iniquitatis filii temeritatis ausu ecclesiam de Bobbyngworth nostre dioecesis et domos Symonis de Pilardington rectoris ipsius violenter invadendo in elusionem ecclesiastice libertatis et pacis regni per vim laicam se tenent in eisdem patrimonium Ihesu Cristi nequiter dissipando Quocirca magnificencie vestre supplicamus subnixe quatinus predictam vim laicam ut moris est inde percipere velitis amoveri ut predictus Symon verus rector ipsius ecclesie in temporalibus et spiritualibus tanquam bonus dispensator libere possit ministrare Valeat excellencia vestra semper in domino Datum apud Stebbenh x kalendas Iulii anno gracie MCCLXX octavo