Charter Document - 03410191
| Charter Number: | 03410191 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1278 |
| Date type: | Internal, A.D., Calendar |
| Resource Link(s): |
|
Charter:
Magnifico principi ac domino reverendo domino Edwardo Dei gratia regi Anglie domino Hibernie et duci Aquitannie Iohannes permissione divina Lond ecclesie minister salutem in eo qui regum corda moderatur Magnificencie vestre tenore presencium significamus quod Nigellus Le Corumaungere Petronilla filia Bartholmei apothecarii Elyanora filia parvi Martini Magge de Stratford Margeria Rolamunde et Agnes de Berden nostre dioecesis propter eorum manifestam contumaciam et offensam sentencia excommunicacionis innodati in eadem sentencia per quadraginta dies et amplius claves ecclesie nequiter contempnendo animo perseverarunt indurato Quapropter dignitatem vestram humiliter requirimus et rogamus quatinus predictos Nigellum Petronillam Eleyanoram Magge Margeriam et Agnetem ut Deo et ecclesie satisfaciant velitis secundum regni vestri consuetudinem potestate regia cohercere Valeat excellencia vestra diu in Domino Datum apud Hadham kalendas Februarii anno gracie MCCLXX septimo