Charter Document - 03410188
| Charter Number: | 03410188 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 |
| Date type: | Internal, A.D., Calendar |
| Resource Link(s): |
|
Charter:
Magnifico principi domino Edwardo dei gratia regi Anglie domino Hibernie et duci Aquitannie Iohannes permissione divina Lond episcopus salutem in eo qui est omnium vera salus Excellencie vestre tenore presencium significamus quod Hugo pictor de Lond Thomas scriptor eiusdem ville Umfridus scissor et Elena filia Galfridi scriptoris ac Felicia uxor Ricardi le Hore nostre dioecesis propter eorum manifestam contumaciam et offensam excommunicacionis sentencia innodati in eadem excommunicacione per quadraginta dies et amplius claves ecclesie contempnentes animo perseveraverunt indurato Quapropter regiam requirimus dignitatem quatinus predictos Hugonem Thomam Umfridum Elenam et Feliciam ut deo et ecclesie satisfacient velitis secundum regni consuetudinem potestate regia cohercere ut quos timor Dei ab errore non revocat saltem severitas regia coherceat et castiget Valeat excellencia vestra per tempora longiora Datum apud Fuleham vi kalendas Augusti anno domini MCCLXXVII