Charter Document - 03410184
| Charter Number: | 03410184 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1276 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino Edwardo dei gratia regi Anglie domino Hibernie et duci Aquitannie Iohannes permissione divina London ecclesie minister humilis salutem in eo qui est omnium vera salus Magnificencie vestre presencium tenore notificamus quod Radulfus Brung quem ad nostram instanciam tanquam excommunicatum et claves ecclesie contempnentem per vicecomites vestros London secundum legem et consuetudinem regni vestri iusticiari percepistis beneficium absolucionis in forma iuris a nobis iam meruit optinere Quapropter vestre dignitatis clemenciam requirimus attente quatinus predictis vicecomitibus vestris precipere velitis ut prefatum Radulfum a carcerali custodia liberent a predicta sentencia excommunicacionis per nos ut premittitur absolutum Incolumitatem vestram conservet altissimus per tempora longiora Datum apud Stebheth xii kalendas Novembris anno gracie MCCLXX sexto