Charter Document - 03410171
| Charter Number: | 03410171 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1274 |
| Date type: | Internal, A.D., Calendar, Episcopal |
| Resource Link(s): |
|
Charter:
Excellentissimo principi et domino reverendo domino Edwardo dei gratia regi Anglie domino Hybernie et duci Aquitannie Iohannes miseracione divina London ecclesie minister humilis salutem in eo qui est omnium vera salus Noverit excellencia vestra quod Iacobus de Styventon et Robertus de Rothyng propter suam contumaciam pariter offensam excommunicacionis vinculo innodati in eadem sentencia per quadraginta dies et amplius claves ecclesie vilipendentes animo perseverarunt indurato Quapropter regiam attente requirimus potestatem quatinus predictos Iacobum et Robertum secundum consuetudinem regni vestri cohercere velitis ut Deo et ecclesie satisfacientes ad sacrum fidelium redeant unitatem Valeat excellencia vestra semper in Domino Datum apud Stebanhuch vii kalendas Octobris anno domini MCCLXX quarto et consecracionis nostre primo