Charter Document - 03410163
| Charter Number: | 03410163 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1278 |
| Date type: | Internal, A.D., Calendar, Feast |
| Resource Link(s): |
|
Charter:
Universis Cristi fidelibus ad quos presens scriptum pervenerit Iohannes miseracione divina London episcopus eternam in domino salutem Cum venerabilis vir magister Willelmus de Middeltone officialis Cant auctoritate venerabilis patris domini Roberti dei gratia Cant archiepiscopi tocius Anglie primatis eodem patre extra regnum Anglie in Romana curia degente consecracionis nostre diem et locum nobis ac vocatis ad hoc episcopis ad instanciam nostram assignaverit de gratia speciali videlicet diem dominicam proximam post festum sancti Marci evangelici anno domini MCC septuagesimo quarto in maiori capella dicti domini archiepiscopi apud Lamhethe eiusdemque die et loco munus consecracionis susceperimus Ac venerabiles viri prior et capitulum ecclesie Cristi Cant metropolitice interpellati a nobis suos ad hoc animos applicarint concorditer ecclesie sue tamen in omnibus iure salvo Nos dicte ecclesie Cant metropolitice honori nolentes in hac parte detrahi vel iusticie derogari et dignum ducentes eiusdem Cant ecclesie metropolitice quantum in nobis est indempnitati prospicere protestamur hoc presenti scripto nichil iuris ecclesie nostre Lond nostrisve successoribus quoad consecracionem illorum extra Cant ecclesiam quocumque tempore faciendam debere adquiri huius optentu gratie liberaliter nobis facte seu pretextu consecracionis sic suscepte sed nec dicte Cant ecclesie vel prioris et capituli supradictis iuribus ac libertatibus eorundem in hoc derogasse intendimus quam iugi humilitatis affectu quam scincere devocionis obsequio cupimus venerari In cuius rei testimonium presens scriptum sigilli nostri munimine fecimus roborari Dat Dovor x kal Iunii anno supradicto