Charter Document - 03410154

Omnibus Cristi fidelibus ad quos presens scriptum pervenerit Henricus miseratione divina London episcopus salutem in domino sempiternam Cum discretus vir magister Thomas de Eswy canonicus sancti Pauli London rector ecclesie de Borham et nuper patronus eiusdem ius patronatus dicte ecclesie nobis et successoribus nostris et ecclesie sancti Pauli London liberaliter concesserit necnon et dictam ecclesiam libere et absolute in manus vestras resignaverit nos honori ecclesie nostre London canonicorum ac clericorum utilitate necnon et animarum saluti parochie de Borham salubriter providere volentes et de consensu et voluntate magistri G de Fering tunc decani et capituli London de personatu dicte ecclesie de Borham ac de proventibus eiusdem taliter duximus ordinandum In primis statuimus et ordinavimus quod personatus ecclesie predicte ad decanum et capitulum sancti Pauli London pertineat imperpetuum pleno iure Et quod idem decanus et capitulum de proventibus dicte ecclesie de Borham per manum vicarii qui pro tempore fuerit annuatim percipient nomine personatus xxiv marcas terminis subscriptis videlicet in crastino dominici qua cantatur Letare Ierusalem xii marcas et in crastino sancti Iohannis Baptiste xii marcas per manum camerarii sancti Pauli sub hac forma distribuendas scilicet die anniversarii nostri ad pitantiam maiorum canonicorum xl s et die anniversarii dicti magistri Thome Eswy eisdem canonicis ad pitantiam duas marcas Item vicariis et clericis ecclesie xxx s clericis elemosinarii ad vesturam xx s et servientibus ecclesie xl d residuum vero de dictis xxiv marcis per manum elemosinarii sancti Pauli in usus pauperum distribuantur qui iurabit se illud residuum ut predictum est indigentibus fideliter erogatur De vicario autem dicte ecclesie cum vacaverit conferendo de consensu et voluntate expressa dictorum decani et capituli taliter statuimus et ordinamus videlicet quod collatio eiusdem ad nos et successores nostros imperpetuum pertineat Et quod idem vicarius qui pro tempore fuerit cum domibus quondam rectoris omnes dicte ecclesie proventus integraliter percipiat cum onere ministrando et eadem personaliter in officio sacerdotali omnia dicte ecclesie onera ordinaria debita et consueta sustinendo Solvet autem dictus vicarius dictas xxiv marcas terminis suprascriptis dictis decano et capitulo in forma prenotata residuum vero proventuum ad vicariam plenarie pertinebit Et ut hec nostra ordinatio et provisio perpetuis temporibus robur firmitatis optineat presenti scripto sigillum nostrum una cum sigillo capituli nostri fecimus apponi Dat in capitulo nostro London die veneris proxima post festum beati Michaelis anno domini MXXLXIII et pontificatus nostri primo