Charter Document - 03410153
| Charter Number: | 03410153 |
|---|---|
| Cartulary Title: | London 1229-1280 Volume 38 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1263 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presentes littere pervenerint Henricus miseracione divina London episcopus salutem in domino sempiternam Presentavit nobis magister Thomas Eswy canonicus sancti Pauli London dominum Iohannem de Lyndeseia capellanum ad ecclesiam de Borham vacantem ut dicebat Quia vero de vacacione eiusdem ecclesie nobis evidenter constitit per litteras resignacionis eiusdem magistri coram nobis ostensas et lectas et similiter de iure presentandi per cartam domini Roberti de Borham militis per quam apparebat dictum militem totum ius patronatus dicte ecclesie dicto magistro Thome contulisse nos ad presentacionem eiusdem magistri Thome dictum Iohannem capellanum admisimus et eundem in eadem ecclesia instituimus Et quia idem capellanus de proventibus ecclesie predicte ordinacioni nostre se sponte et liberaliter submisit nos auctoritate pontificali de consensu decani et capituli nostri London de eiusdem ecclesie proventibus taliter ordinavimus quod predictus capellanus et omnes successores sui singulis annis in perpetuum solvant decano et capitulo London de proventibus eiusdem ecclesie viginti et quatuor marcas argenti ad sustentacionem clericorum in ecclesia sancti Pauli London ministrancium et in alios pios usus distribuendas et quod residuum dictorum proventuum cedat in usus dicti capellani et successorum suorum ad perpatuam huius rei memoriam presentibus litteris sigillum nostrum fecimus apponi